Ақпарат Хабар агенттігінен алынды

Шәкен Айманов атындағы «Қазақфильм» киностудиясының ұйымдастыруымен дүркіреп өткен Павлодардағы қазақ киносының күндері өз мәресіне жетті.

Ш. Айманов атындағы «Қазақфильм» киностудиясында түсірілген режиссер Ардақ Әмірқұловтың «Қош бол, Гүлсары!» фильмі 24 мен 28 сәуір аралығында Киш аралында өтетін I Халықаралық Иран кинофестивалінде байқауға қатысатын фильмдердің қатарына енді.

— Берілетін жүлделердің еш бір қажеті жоқ деп айтсам, бұл сөзім жалған болар еді.Өйткені әр бір жүлде фильмнің көрерменге жол тартуына өз септігін тигізеді. Жүлде алған сайын фильмнің көрермендері де арта түседі. Дегенмен де, кино әлемінде жүлде бірінші мәселе емес, егер фильм көрерменнің жүрегіне жетіп, санасында қалып жатса, осы мәселе маңыздырақ болар еді.

Киш аралындағы Халықаралық кинофестиваль алғаш рет ұйымдастырылып отыр. Байқауға Иран, Түркия, Сирия, Үндістан, Тәжікстан, Әзірбайжан елдерінің фильмдері қатысады деп жоспарланған. Фестиваль шеңберінде әзірбайжан ақыны Низами Гянджеви туралы түсірілген деректі фильммен қатар, тәжікстандық екі деректі фильм көрсетіледі деп күтілуде. Ол екі фильмнің біреуі қасиетті ауған қаласы Мазари-Шариф жайында болмақ.

Фильмнің режиссері Ардақ Әмірқұлов: «Фильмнің жеңіске жетуі мен жетпеуін алдын-ала болжау қиын. Себебі, кинофестиваль дегеніміз, объективті көрсеткіштермен бағаланатын спорттық тартыс емес, қайта барлығы да субъективті түрде, нәзіктік пен шеберліктің үйлесімділігі сынға түседі» — деп, өз ойын қорытындылады. 

Қазақстан Республикасы Президенті, Қазақстан халқы Ассамблеясының төрағасы Н.Ә.Назарбаевтың ҚХА-ның XVII сессиясындағы жолдауы
18.04.2011 г.