Басшылық

 Бақыт Ғафуұлы Кайырбеков                                                                 Шәкен Айманов атындағы "Қазақфильм" АҚ президенті.


1970 жылы  Алматы қаласындағы
№ 62  орта мектепті  бітірді. 1975 жылы Мәскеудегі М. Горький атындағы Әдебиет институтында  білім алып, әдебиет қызметкері  (көркем әдебиетті қазақ тілінен  орыс тіліне аудармашы-ақын) мамандығын алған. 1989 жылы КСРО Мемлекеттік кино (Госкино) жанындағы сценаристер және режиссерлар дайындайтын жоғары курсын бітірді (В. Грамматиков және Н. Михалковтың шеберханасы).

 1975 - 1978 жылдары - көркем әдебиеттің республикалық «Жазушы» баспасында поэзия редакторы;  

1978 жылы - «Советский Казахстан сегодня» атты қазақ қоғамының шетелдермен достық және  мәдени байланыстар ақпараттық бюллетенінде бас редактор;                                                                      

1979 -1982 жылы - Абай атындағы   Қазақ педагогикалық институтында   орыс және  шетел әдебиеті кафедрасында  аспирант;                                                                                                                               

1983 жылы - Ш. Айманов атындағы «Қазақфильм» киностудиясының сценарлық-редакциялық алқасының мүшесі,  кейін көркем және телевизиялық фильмдер шығармашылық бірлестігінің бас редакторы;                                                                                                                                                      

1986 жылы - Қазақ ССР Мәдениет министрлігінің репертуарлық-редакциялық коллегиясының аға редакторы;                                                                                                                                                   

1987-1989 жылдары - КСРО Мемлекеттік кино (Госкино) жанындағы сценаристер және режиссерлар дайындайтын жоғары курсы;                                                                                                                        

1989-1991 жылдары - Қазақстан Жазушылар Одағының аударма және өзара байланыс бас редакциялық алқасының аға редакторы;                                                                                                    

1994 жылы - «Қазақтелефильм» студиясы бас редакторының орынбасары;                                          

1996 - 1997 жылдары - ҚР  Үкіметі  жанындағы  Мемлекеттік қызметшілерді қайта даярлау және біліктілігін арттыру институтының ақпараттық-баспа орталығының  бастығы;                                            

1994-1996 жылдары - Т. Жүргенов атындағы  Театр және кино институтында  деректі кино режиссурасының шеберханасының көркемдік   жетекшісі;                                                                          

1999 жылы - Коммерциялық емес «ҚР Президенті Телерадиокешені» АҚ шығармашылық-өндірістік  бөлімінің жетекші маманы;                                                                                                                         

 2007 жылы - Коммерциялық емес «ҚР Президенті Телерадиокешені» АҚ Бас директоры;                  

2008-2012 жылдары - «Ғафу студиясының» көркемдік жетекшісі, Т.Жүргенов атындағы Қазақ Ұлттық Өнер академиясының аға оқытушысы;                                                                                                        

2013  жылы  - «Мәдениет» («Қазақстан АҚ») телеарнасының директоры;                                                

2014 жылы - «Білім және Мәдениет» («Хабар» АҚ)  телеарнасының директоры;                                       

 2015 жылдың 12 ақпаннан бастап - Ш. Айманов атындағы "Қазақфильм" АҚ Президенті

Кинорежиссер, сценарист, ақын, аудармашы, Қазақстан Жазушылар Одағының және Қазақстан Кинематорграфистер Одағының  мүшесі, «Қазақстан Республикасының еңбек сіңірген қайраткері» мемлекеттік наградасымен марапатталған, Еуразиялық телеарна және радио Академиясының академигі (Ресей), Махамбет Өтемісұлы атындағы  сыйлықтың иегері, «Құрмет» орденінің  иегері.

Ғылыми-танымал және деректі фильмдердің авторы:

«Ақбосаға», «Возвращение в лоно неба», «Мен саған сәбимін», «В поисках собеседника», «Священный порог», «Клятва», «Свидание», «Возвращение к истокам»,  «Домусульманские обычаи и традиции казахов» «Послание настоящему», «Страсти натуралиста», «Қызыл трактор», «Путь истины», «Колючая нежность», «Сердце мое»,  «Священный Туркестан», «Асеке» және т.б. фильмдері Румыния, Ресей, Қытай, Иран, Венгрия, Германия мемлекеттерінде өткен халықаралық кинофестивальдерде дипломдармен марапатталған.

Поэтикалық  жинақтардың авторы: «Осенний диалог»  («Жалын» баспасы, 1978), «Глагол жить» («Жазушы», 1982), «За живою водой» («Жазушы», 1986), «Менiм үйiм» («Жалын», 1987), «За решеткой строк» («Согласие», 1996), «Биография алмаатинца» («Өлке», 1998), екі томдық «Таңдамалы»  (1998), «Дневник» («Интерприн»т, 2003), «Путь воды» (М., «Тезаурус», 2010), «Проснуться птицей» (2011),  «Национальные обычаи традиции. Казахский этикет» (2011)  және «Далекие и близкие» (2011) атты аударма  еңбектері бар.

Б.Ғ. Қайырбековтің аудармалары арқылы қазақтың ақындары мен прозаиктардың төмендегі шығармалары жарық көрді: Шәкәрім Құдайбердіұлының «Родословная тюрков, казахов и киргизов, Қойшығара  Салғариннің «Династии ханов»,  Асан Қайғының, Бұқар, Ақтамберді жыраулардың жырлары, С.Мұратбековтің, А.Сейдімбектің, Т.Жұртпаевтың, А.Жақсыбаевтың, А.Әлпейісовтің прозасы, Ғ.Қайырбековтің, Т.Молдағалиевтің, Т.Әбрахманованың, Е.Раушановтың, О.Асқардың, М.Мақатаевтың, І. Жансүгіров пен   Ф. Ғабитованың және т.б.

Орталық біріккен киностудияға 70 жыл

Тарих беттерінен

Кинофестиваль Евразия