29 қыркүйек күні XIII «Жібек жолының інжу-маржаны» атты Ташкент халықаралық кинофестивалі аясында Ш.Айманов атындағы «Қазақфильм» АҚ президенті Ақан Сатаев пен «Өзбеккино» ҰА бас директоры Фирдавс Абдухаликов ынтымақтастық жөніндегі меморандумға қол қойды.

Белгілі режиссер Дәрежан Өмірбаев түсірген «Ақын» фильмінің әлемдік тұсаукесері 34-ші Халықаралық Токио кинофестивалі шеңберінде өтеді. Аталған байқау үстіміздегі жылдың қазанның 30-ы мен қарашаның 8-і аралығында Жапонияда өтеді.

Бүгін, 28 қыркүйекте киностудия президенті Ақан Сатаев бастаған «Қазақфильм» делегациясы 2021 жылғыы 28 қыркүйек пен 3 қазан аралығында өтетін XIII Ташкент халықаралық «Жібек жолының інжу-маржаны» кинофестиваліне қатысу үшін Өзбекстан астанасына ат басын тіреді.

Кеше ҚР Премьер-министрі Асқар Мамин Алматы қаласына жұмыс сапары аясында Ш.Айманов атындағы «Қазақфильм» киностудиясына барып қайтты. Үкімет басшысын киностудияның көркемдік жетекшісі, КСРО халық артисі, Қазақстанның Еңбек Ері Асанәлі Әшімов және «Қазақфильмнің»  президенті Ақан Сатаев қарсы алды.