Қазақстан Республикасы Тәуелсіздігінің 25-жылдығына орай өткізілген салтанатты жиында ҚР Мәдениет және спорт министрі Арыстанбек Мұхамедиұлы мәдениет, өнер және спорт қайраткерлерін марапаттады.

Ш. Айманов атындағы «Қазақфильм» АҚ қытай кинематографистерімен бірлесіп «Композитор» (жұмыс атауы) атты фильмді түсіруді қолға алды. Аталған фильмнің түсіру жұмыстары бойынша кездесу өткізу үшін Алматыға арнайы Қытай Халық Республикасының танымал режиссері Шеризат Якуб бастаған Shineworks кинокомпаниясының түсіру тобы келді.

Ш.Айманов атындағы «Қазақфильм» АҚ жарыққа шығарған  кинотуындылар Үндістандағы Керала штатының астанасы Тируванантапурама қаласында желтоқсанның 9-ы мен 16-ы аралығында өтетін, 21-ші Халықаралық үнді кинофестивалінде – айтулы оқиға  – «Қазақстанға назар салу» бағдарламасы аясында көрсетілетін болады.

Ш.Айманов атындағы «Қазақфильм» АҚ режиссер Эмир Байғазиннің «Өзен» атты жаңа фильміне басты рөлге кастинг жариялайды. Кастингке қазақ тілінде еркін сөйлейтін 12-14 жас аралығындағы ұл балалар шақырылады.