2022 жылы 15 маусым күні Алматыдағы Қазақстан Республикасы Ұлттық кітапханасында Құқық иеленушілердің республикалық конференциясы өтті. Шара барысында креативті индустрия, репрографикалық шығармалар бойынша және оларды музыкалық шығармаларды пайдаланған жағдайда туындайтын авторлық құқықтардың проблемалары, сонымен қатар зияткерлік меншік құқықтары бойынша басқа да өзекті мәселелер қаралды.

2022 жылы 14 маусым күні «Қазақфильмнің» ұйымдастырушылық құрылымының жобасы мен еңбекақы механизмін талқылау мақсатында киностудияның қызметкерлері мен жұмыс берушілері өкілдерінен құралған комиссияның бірінші отырысы өтті.

Павлодардың Ertis Promenade сахнасында «Қазақфильм» киностудиясының фильмдері тегін көрсетіліп жатыр. Қала тұрғындары мен қонақтары ашық аспан аясында әр жылдары түсірілген көркем және анимациялық фильмдерді әр жексенбі күндері тамашалай алады.

Маусымның 1-9 аралығында Бразилияда өткен халықаралық Olhar de Cinema кинофестивалінің «Басқа көзқарастар» бағдарламасына қатысқан режиссер Дәрежан Өмірбаевтың «Ақын» фильмі «Үздік фильм» жүлдесімен марапатталды.