-
02.12.2010
«Қазақфильм» Ардагерлер үйінде қайырымдылық көрсетілімін ұйымдастырды
2010 жылдың 1 желтоқсанында Шәкен Айманов атындағы «Қазақфильм» АҚ Ардагерлер үйінде «Қыз Жібек» фильмінің өңделген жаңа нұсқасын тегін көрсетті. Көрермен саны шамамен елу шақты адамнан құралды. Ардагер Валентина Михайловна көзіне жас алып, шараны ұйымдастырушылармен көрсетілімнен кейінгі пікірімен бөлісуге асықты: «Кезінде Асанәлі Әшімов пен Фарида Шәріпова сынды актерларды өз көзіммен көрген болатынмын. Енді міне, араға неше жыл уақыт салып, осындай әдемі махаббат дастанын бейнелеген лирикалық фильм арқылы қайта қауышқаныма қуаныштымын. Қазақфильмнің фильмдік қоры бай екендігі белгілі, осылай бізге жиі келіп тұрыңдар.»
-
25.08.2010
Айманов атындағы «Қазақфильм» АҚ ресми сайтының қазақша нұсқасы іске қосылғандығын қуанышпен хабарлайды
Тамыз айының 23-нен бастап киностудияның ресми сайтының қазақша нұсқасы түгелдей дерлік іске қосылып, өз жұмысын бастады. Енді киностудияның тарихы мен бүгінгі күнгі даму бағытын, «Қазақфильм» киностудиясының, жаңа буын және белгілі кинорежиссерлердің, продюсерлердің, сонымен қатар клипмейкерлердің ұсынатын қызметтерін, елге танылған атақты актерлер жайында, және де кастингтер мен киностудияның жаңа туындылары жайындағы ақпаратты мемлекеттік тілде алуға мүмкіндік туды. Сонымен қатар, қазақ тіліне мұрағаттағы барлық көркем, деректі, анимациялық фильмдердің және ретро-фильмдердің синопсистері аударылды. «Баспасөз қызметі» бөлімі жұмыс істейді.
-
24.08.2010
«Қазақфильм» Шәкен Айманов кубыгына мини-футболдан жарыс өткізді
21 тамыз күні «Қазақфильм» киностудиясының қызметкерлері мен түсіру топтарының арасында Шәкен Айманов кубогын иелену үшін футболдан жарыс өтті. Футбол додасына 6 құрама командалары қатысты. Олар: «Жеңіс», «Цифровик», «Атажұрт», «ОПС» және «Качели» топтары. Қазылар алқасы ретінде Қазақстанның Футбол Ассоциациясының кәсіби төрешілері шақырылды.
-
30.06.2010
Астана — махаббатым менің!
1 шілде, сағ. 21.30-да «Хабар» телеарнасында 2010 жылдың көптен күткен «Астана — махаббатым менің» атты телесериалының премьерасы өтеді.
