Ақпанның 22-де «Цезарь» кинотеатрында қазақ халқының аса көрнекті режиссері, қазақ киносының негізін қалаушылардың бірі – Мәжит Сапарғалиұлы Бегалиннің өмірі мен шығармашылығы жайында баяндайтын «Суреткер» атты жаңа деректі фильмнің тұсаукесері өтті. Фильмді түсірген Шәкен Айманов атындағы «Қазақфильм» АҚ.

Шәкен Айманов атындағы «Қазақфильм» АҚ түсірген режиссері Қанағат Мұстафиннің спорт тақырыбындағы  «Серпін» фильмі,  2012 жылы 8 мен 12 наурыз аралығында Харьков қаласында  (Украина) өтетін «Ступени» атты Халықаралық құқық қорғау кинофестивалінің конкурстық бағдарламасына алынды.

Шәкен Айманов атындағы «Қазақфильм» АҚ түсірген режиссері Нариман Төребаевтың «Шуақты күндер» фильмі 14 мен 21 ақпан аралығында Францияның Везуль қаласында өтетін  <a href="http://www.cinemas-asie.com/">Festival International des Cinemas dAsie</a> халықаралық кинофестивалінде бақ сынайтын болады.

2012 жылы 15 ақпанда қазақ киносының саңлағы, актер, режиссер, КСРО халық әртісі, Сталин атындағы жүлде мен Қазақ ССР Мемлекеттік сыйлықтың иегері Шәкен Кенжетайұлы Айманов көзі тірісінде 98 жасқа толар еді.