Режиссер Ақан Сатаев түсірген «Ұлы дала таңы» атты тарихи экшн-драмасы 12 мамырдан бастап ұлттық прокатқа шығады.

Берлиндегі Қазақ киносының апталығы режиссер Ақан Сатаевтың «Томирис» фильмімен ашылды. Аталған іс-шара Германияның астанасында сәуірдің 25-і күні Zoo Palast кинотеатрында өтті.

Алматыдағы Chaplin Mega Alma-Ata кинотеатрында режиссер Дәрежан Өмірбаев түсірген «Ақын» фильмінің тұсаукесері өтті. Мәдени іс-шараға киностудия басшылығы, фильмнің түсіру тобы мне БАҚ өкілдері қатысты.

Белгілі қазақстандық режиссер Болат Қалымбетов түсірген «Мұқағали» көркем фильмі Үндістанда наурыздың 18-25 аралығында өтетін 26-шы Халықаралық Керала кинофестивалінің «Әлемдік кино» бағдарламасы шеңберінде көрсетіледі.

Ғалымжан Ералиев Ш.Айманов атындағы «Қазақфильм» АҚ әкімшілік-шаруашылық ісі жөнінде вице-президенті лауазымына тағайындалды. Осыған дейін ол «Қазақстан Республикасы Президенті Телерадиокешені» КЕАҚ Бас директордың орынбасары болды.

Режиссер Самғар Рақым түсірген  «Көше ақыны» қысқаметражды фильмі Нью-Йорктегі Meihodo International Youth Visual Media Festival халықаралық кинофестивалінде «Музыкалық бейне» номинациясында күміс жүлдеге ие болды.

Бүгін «Қазақфильм» киностудиясында ҚР мәдениет және спорт вице-министрі Нұрқиса Дәуешовтың төрағалығымен Директорлар кеңесінің кезекті отырысы өтті. Кездесуге Директорлар кеңесі мүшелері Арманжан Байтасов және Ақан Сатаев, Нұр-Сұлтан қаласынан zoom арқылы онлайн форматында Мамыр Кәрібаева,  сондай-ақ корпоративтік хатшы Рая Демеубаева қатысты.

Бүгін қаламыздағы Мәжіт Бегалин атындағы №120 мектеп-гимназияда «Қазақфильм» киностудиясының қолдауымен белгілі кинорежиссердің 100 жылдық мерейтойына орай мерекелі концерт өтті.

Бүгін «Қазақфильм» киностудиясының аумағында аты аңызға айналған кинорежиссер, КСРО халық артисі Шәкен Аймановтың туғанына 108 жыл толуына орай ескерткішіне гүл шоқтары қойылып, жақында ғана 99 жасқа толған ҚР халық артисі, Қазақстан Республикасы Мемлекеттік сыйлығының лауреаты, Қазақстанның Еңбек Ері Юрий Померанцевке арналған ескерткіш жұлдыздың салтанатты ашылуы өтті. Аталмыш шараға денсаулығына байланысты Юрий Борисовичтің өзі қатыса алмады.

Кеше Халықаралық Берлин кинофестивалінің «Форум» бағдарламасы шеңберінде ҚР Мәденииет және спорт министрлігі тапсырысы бойынша «Ұлттық киноны қолдау мемлекеттік орталығы» қолдауымен Шәкен Айманов атындағы «Қазақфильм» АҚ түсірген «Ақын» фильмінің еуропалық тұсаукесері өтті.