Ш. Айманов атындағы «Қазақфильм» АҚ, кинопродюсер және инвестор  Әлидар Өтемұратов Голливудтың танымал продюсерлері  – Кери Гранат (Cary Granat) және Оскар жүлдесінің иегері Эд Джонспен бірлесе отырып, 1925 жылы Париж аспанын әнге бөлеп, күллі әлемді тамсандырған Әміре Қашаубаевтың өмір жолына арналған «Әміре» атты (жұмыс атауы) киножобаны түсіруді қолға алды.

Ш. Айманов атындағы «Қазақфильм» АҚ киностудиясы түсірген «Жаңғақ тал» фильмі Везульдегі (Франция) Азия киноларының 22-і Халықаралық кинофестивалінде екі бірдей жүлдеге ие болды. Режиссер Ерлан Нұрмұхамбетовтың кинокартинасы халықаралық қазылардың арнаулы жүлдесіне және кино сыншыларының арнаулы жүлдесіне ие болды.