2013 жылы маусымның 18-і мен 21-і аралығында Вена қаласында «Қазақ киносының күндері» өтеді. Мәдени іс-шараны Шәкен Айманов атындағы «Қазақфильм» АҚ  Қазақстанның Австриядағы елшілігі мен Австриядағы Қазақстан студенттері  ұйымымен бірлесіп ұйымдастырып отыр.  

Шәкен Айманов атындағы «Қазақфильм» АҚ шығарған «Көке» фильмі 31 мамыр мен 4 маусым аралығында өткен XI «Шәкен жұлдыздары» Халықаралық Алматы кинофестивалінің арнайы жүлдесімен марапатталды.

Шәкен Айманов атындағы «Қазақфильм» АҚ шығарған режиссер Эмир Байғазиннің «Жарасым дәрістері» фильмі Базель қаласында мамырдың 29-ы мен маусымның 2-і аралығында өткен «Bildrausch Film Fest Basel» атты Халықаралық кинофестивальде үздік деп танылып, фильмнің аты мен жас режиссердің есімі жазылған  сақинамен марапатталды. Өңделмеген алмаз тастарымен әшекейленген күміс  сақина швейцариялық дизайнер Криста Вагенердің қолынан шыққан екен.

Шәкен Айманов атындағы «Қазақфильм» АҚ, «Айжан ару» ЖШС және «Жаңа ғасыр» студиясымен бірлесіп  шығарған режиссер Жаңабек Жетіруовтың  «Аққыз» фильмі мамырдың 20-ы мен 24-і аралығында Нью-Йорк қаласында өткен «Eurasian Film Festival» кинофестивалінде «Ең үздік фильм» номинациясында Бас жүлдені жеңіп алды.