«Солнечные дни» фильмі Локарно қаласында өткен кинофестивальдің жүлдесіне ие болды.

Шәкен Айманов атындағы «Қазақфильм» АҚ түсірген  режиссер Нариман Төребаевтың «Солнечные дни» фильмі Локарно қаласында  өткен 64-ші Халықаралық Кинофестивальде тәуелсіз сыншылардың  «Premio Boccallino» жүлдесімен марапатталды.  Естеріңізге сала кетсек, аталмыш фильм фестивальдің конкурстық бағдарламасына қатысқан болатын. Киносыншылар тағайындайтын бұл жүлде осымен 11-ші рет тапсырылды.

- Қазақтың кілемдері сияқты бұл фильм өте әдемі және байланысы жақсы.  Алматының ерекше табиғаты көркем суреттелген. Фильмге қатысты ешбір ескертулер  жоқ, мұндай картиналар өте қажет, - делінген Нариман Төребаевқа табысталған фестивальдің дипломында.

«Premio Boccallino» жүлдесі –бұл томарға орнатылған сыра ішуге арналған үлкен фарфор ыдысы.

- Фильмнің көрсетілімі жақсы өтті. 900 көрерменге арналған зал толы болды. Көрсетілімнен кейін көрермендер қол соғып, тіпті сыртқа шыққанымда кейбіреулер  алғысын білдіріп жатты,-деді фильмнің режиссері Нариман Төребаев.

Режиссердің айтуынша, «Солнечные дни» фильмі халықаралық дистрибьютерлер тарапынан жоғарғы бағаға ие болып,  көптеген басқа да фестивальдерге шақыру алды.