• 21.12.2018

    «Соңғы мұғалім» фильмі Түркиядан жүлдемен оралды

    Барлық фотосуреттерді көру
    Жаңалықтар фотогалереясы
    Жас режиссер Ален Рахметалиев түсірген «Соңғы мұғалім» атты қысқаметражды көркем фильмі Түркияның Стамбул қаласында желтоқсанның 14-і мен 16-ы аралығында өткен Dostluk Kısa Film Festival халықаралық кинофестивальінде екінші орынды иемденді.

    Кинотуындыны ҚР Мәдениет және спорт министрлігі тапсырысы бойынша Ш.Айманов атындағы «Қазақфильм» киностудиясы түсірген. Фильмде жуас химия пәнінің мұғалімі Ержан Қайдарұлының өмірі баяндалады. Оның сабақтарында оқушылар үнемі шулап отырады. Бір күні жоғарғы сынып оқушыларынан жәбір көрген ұлын қорғамақ болған ұстаз олармен күреспек болады.  

    - Бұл фестиваль ауқымды байқаулардың бірі. Иран, Қырғызстан, Түркия, Франция, Италия, Бельгия және Швеция сынды елдердің фильмдері қатысты. Осы фестивальге қатысқанымның өзі жеңіс деп санаймын. Фестиваль ұйымдастырушылары мен қонақтары қазақ киносына ерекше қызығушылық танытқандары өте қуантты, - деді режиссер Ален Рахметалиев.

    Dostluk Kısa Film Festival кинофестивалі достыққа негізделген, адамзат пен ғаламның арасындағы байланысты  насихаттайтын киноның барлық жанры мен форматын өз аудиторисына ұсынатын бірден бір фестиваль.

    Анықтама:
    Режиссері және сценарий авторы: Ален Рахметалиев
    Операторы: Еркебұлан Балғабай
    Қоюшы суретші: Нұргүл Дүймағамбетова
    Дыбыс режиссері: Малика Беламанова
    Атқарушы продюсер: Әділет Ибраhим
    Актерлер: Мұрат Бекхожин, Ерболат Атабай, Хақназар Ерасылұлы


    Ален Рахметалиев – сценарист, режиссер. Т.КЖүргенов атындағы Қазақ ұлттық өнер академиясының түлегі («Көркем фильмдер режиссері» мамандығы бойынша). «Соңғы күн» (2015), «Ойыншы» (2016), «Шыдамдылық» (2017)  сынды қысқаметражды фильмдердің авторы.


Ваше имя*
Ваш E-mail*
Сообщение*
Защита от автоматических сообщений
CAPTCHA
Введите слово на картинке*

 

Шәкен Айманов атындағы
«Қазақфильм» АҚ
Алматы қаласы, Әл-Фараби
көшесі 176
302-16-77(факс)
kense@kazakhfilmstudios.kz

  


Барлық құқықтары қорғалған
«Қазақфильм» АҚ
1956-2019