• 15.07.2019

    «Мұзбалақ» анимациялық фильмі Ресейде өткен кинофестивальде Қазылар алқасының арнайы жүлдесімен марапатталды

    Барлық фотосуреттерді көру
    Жаңалықтар фотогалереясы

    Режиссер Тұрдыбек Майдан мен Тілек Төлеуғазының «Мұзбалақ» анимациялық фильмі 2019 жылдың 7-14 шілде аралығында Ресейдің Ярослав қаласында   өткен   «Отбасымен бірге» 14 ХКФ-да Қазылар алқасының арнайы жүлдесіне ие болды. Картина ҚР Мәдениет және спорт министрлігінің тапсырысы бойынша Ш.Айманов атындағы «Қазақфильм» киностудиясында түсірілген.

     

    «Мұзбалақ» анимациялық фильмі қазақтың ғасырлар бойы қалыптасқан саятшылық мәдениеті және адам мен бүркіт арасындағы достық туралы баяндайды.

     

    «Бұл біздің еңбегіміздің жемісі. «Мұзбалақ» фильмін халықаралық қазылар алқасы жоғары бағалағаны қуантады. Халықаралық анимациялық кинофестивальдерді әлі де таңғалдыратын боламыз»,- деді «Қазақфильм» АҚ анимациялық бірлестігінің жетекшісі Адай Әбілдинов.

     

    «Отбасымен бірге» кинофестивалі дәстүрлі түрде отбасылық және балаларға арналған үздік фильмдерді ұсынады. Кинофестивальдің басты мақсаты – отбасы, мейірімділік, махаббат, адамгершілікке тәрбиелейтін фильмдерді танымал ету.  Әр жыл сайын фестиваль ұйымдастырушылары жаңа қалаларды таңдап,  ерекше конкурстық және ойын-сауық бағдарламаларын дайындайды.  Қазылар алқасына ресейлік және шетелдік киноөнер майталмандары шақырылады.

     

    Естеріңізге сала кетейік, «Мұзбалақ» былтыр ҚР Кинематографистері Одағының «Құлагер» жүлдесінде, «Үздік анимациялық фильм» номинациясы бойынша жеңімпаз атанған. Сонымен қатар, XVII «Алау рухы» Халықаралық кинематографиялық дебюттер кинофестивалінің балалар және жасөспірімдер фильмдері конкурстық бағдарламасына қатысқан (Ханты-Мансийск, РФ).

     

    Өткен күзде картина қазақстандық прокатта болды.



Ваше имя*
Ваш E-mail*
Сообщение*
Защита от автоматических сообщений
CAPTCHA
Введите слово на картинке*

 

Шәкен Айманов атындағы
«Қазақфильм» АҚ
Алматы қаласы, Әл-Фараби
көшесі 176
302-16-77(факс)
kense@kazakhfilmstudios.kz


Барлық құқықтары қорғалған
«Қазақфильм» АҚ
1956-2019