• 17.03.2018

    Мәскеуде Бақыт Қайырбековтің шығармашылық кеші өтті


    АСТАНА. ҚазАқпарат - Мәскеу қаласындағы "Ұлттар" үйінде белгілі ақын, Ш.Айманов атындағы "Қазақфильм" киностудиясының президенті Бақыт Қайырбековтің шығармашылық кеші өтті, деп хабарлайды «ҚазАқпарат» ХАА Қазақстанның Ресейдегі елшілігінің сайтына сілтеме жасап. Салтанатты жиын кезінде қаламгердің "Көп нүкте" атты жаңа кітабы көпшілікке таныстырылып, "Наурыз" мейрамы жайлы деректі фильмі көрсетілді. Ақын, аудармашы, режиссер - Бақыт Қайырбеков 65 жаста.

    Ол өзінің мерейтойын бұған дейін Алматыда өткізсе, енді міне Мәскеу жұртшылығымен қауышып отыр. Ресей астанасындағы 2 бірдей жоғары оқу орнын тәмамдаған қазақ ақыны, осылайша көрші елдегі оқырмандарына да шығармашылық есеп берді. Салтанатты кеш барысында Бақыт Қайырбеков өзінің өлеңдерін оқып, деректі фильмдерін көпшілікке көрсетті. Поэзияда және кинематография саласында да өзіндік қолтаңбасы бар қаламгердің кез келген еңбегінде, қазақтың иісі, ұлттың үні жатыр. Шығармашылық кешке Бақыт Қайырбековтің қаламдас достары мен әдебиетшілер, зиялы қауым өкілдері мен қазақ дипломаттары және Мәскеуде тұратын қандастарымыз молынан жиылды.

    Осылайша, қазақтың әдебиеті мен мәдениеті алып шаһардағы сан алуан жұрттың басын қосты. «Көрісу, Амал деген керемет күніміз бар, сонымен құттықтаймын! Көрісу деген қандай керемет - қыстан шықтық, аман қалдық. Өлең сияқты өзіміздің тағдырымызды, өмірімізді білу керек, түсіну керек, мағынасын көтеру керек»,-деді кеш барысында  Бақыт Қайырбеков. Еуразиялық телевидение және радио академиясының президенті Валерий Рузиннің айтуынша, Бақыт Қайырбеков - классик ақын. «Ол қазақ мәдениетінің кеңістігін кеңейтуге атсалысып, өзінің ақындық және кино шығармашылығында керемет дүниелер жасап жүр. Оның туындыларынан қазақ дәстүрі мен мәдениетін махаббатпен, терең біліммен көрсеткені байқаймыз».


Ваше имя*
Ваш E-mail*
Сообщение*
Защита от автоматических сообщений
CAPTCHA
Введите слово на картинке*

 

Шәкен Айманов атындағы
«Қазақфильм» АҚ
Алматы қаласы, Әл-Фараби
көшесі 176

  


Барлық құқықтары қорғалған
«Қазақфильм» АҚ
1956-2018